ÅRSMELDING FOR BØ SKULEMUSIKK 2005

 

 

Styret.

Styret i Bø skulemusikk har i 2005 vore sett saman slik:

Styret:

Funksjon

Periode

Namn

Gjeldande periode

Leiar

1 år

Trude Lindgren

1 år (attval 05)

Nestleiar

1 år

Turid Fagerli

1 år (attval 05)

Kasserar

2 år

Dag Hallvard Østtveit

2 år (attval 05)

Sekretær

2 år

Pål Iden

1 år (ikkje på val)

Styremedl. (økonomiutv.)

2 år

Heidi Troneng

2 år ( attval 05 )

Styremedl. (matr.kom)

2 år

Åshild Sele

1 år (ikkje på val)

Varamedlem

1 år

Hans Bakke

1 år (attval 05)

 

Tillitsvalde musikantar frå korpset har vore Nina Beate Haugland og Per Ola Stålberg Dirigent Guri Røsok har møtt på styremøta.

Det har i løpet av året vore 8 styremøte, og det har vore handsama 46 saker.

Mykje av tida har gått med til å planlegge ulike aktivitetar for korpset.

Hausten 2005 dreidde mykje seg om prosjektet ”Juleshow 2005”

 

Medlemstal.

Ved utgangen av året 2005 var talet på musikantar 66. Av desse er det 6 aspirantar og 12 nybyrjarar. Blant aspirantane og nybyrjarane er det 3 på slagverk, 1 på fløyte, 5 på klarinett, 1 på Walthorn, og 8 på trompet.

 

Dirigent.

Guri Røsok har dirigert korpset dette året.

Faste øvingar:

Øvingane har gått føre seg i Gullbring kvar torsdag 18.45 –21.00.

Frammøtet blant musikantane har stort sett vore bra, men det kan framleis verta betre.

Dei eldste i korpset har i tillegg høve til å bli med i ungdomskorpset som har øving på måndagskveldane. Frå hausten 2005 var 4 korpsmusikantar med i ungdomskorpset.

 

Sommarlandfestivalen.

Arrangementet gjekk føre seg i tida 17.–19. juni.

Arrangementet fungerte også i år svært bra, og ein fekk gode tilbakemeldingar.

Det var omlag 2000 påmeldte musikantar og veret var på vår side dette året

Det økonomiske resultatet var også bra, ein viser her til årsrekneskapen for 2005.

 

Inntektsgjevande arrangement i korpset.

Også dette året har korpset arrangert loppemarknad, eit arrangement som veks fra år til år.

Omsetnaden vart i år på kr 79 000!

I tillegg har korpset i 2005 arrangert kakebasarar og bingo saman med ungdomslaget.

Speleautomaten på Bøsenteret har og gjeve inntekter for korpset.

Foreldra sin innsats på dei ulike dugnadane har som vanleg vore omfattande, og ei stor takk går til alle heimane.

 

Turar

Øvingsseminar i Rauland i januar. Dette vart svært vellukka, både musikalsk og sosialt.

Prosjekt: ”Juleshow”

I samarbeid mellom skulemusikken og musikkskulen, vart det arrangert musikalsk Juleshow med 2 framsyningar i Storsalen fredag og laurdag 2. og 3. desember. Jon Rørmark var ansvarleg for musikk og regi.

Skulemusikken og heile kulturlivet i Bø skuldar han ei stor takk!

Oppsetjinga vart ein publikumssuksess som hausta lovord i pressa.

Musikantane i skulemusikken og foreldra stod på med kunstnarisk og organisatorisk innsats.

For ei dugnadsånd!

 

Organisasjonstilknytning

Bø skulemusikk er knytt til Korpsnett Norge.

 

Aktivitetar i 2005:

 

Januar                 Laurdag 8: juletrefest Sandvin,                       

                            Fredag-sundag 21-23: Seminar, Rauland

Februar               Torsdag 10: Årsmøte

April                     Laurdag 16: Konsert på Sagavoll i lag med Gvarv

Mai                       Tysdag 17 Syttendemai.

Juni                      Tysdag 7. Musikkskolekonsert

 Fredag 17-søndag 19-SOMMARLANDFESTIVALEN

August                 Laurdag 27 og sundag 28: Loppemarknad

September          Laurdag 3: speling på barnas dag.

Oktober               Torsdag 20:        Ensemblekonsert

November             Fredag 25:         Julegrantenning i                                                                                  Heradshusparken.

Desember          Øvingsveke til juleshow i veke 48.

                            Fredag 2. og laurdag 3: Juleshow

                            Sundag 11:        Me song og spelte jula inn i kyrkja.

                                   Laurdag 24:       Speling julegudstenesta

 

Bø Skulemusikk har si eiga flotte heimeside.

Kasserar Dag Hallvard Østtveit er ansvarleg redaktør.

 

Styret